الرئيسية / كلام في الحب / منشورات راقيــة /
التاريخ - 

وقت الفرح
كله بيضحك معاك
و بيعمل لك ملاك
لكن وقت الدموع
يقدر اوام ينساك
ينسى حكايتك معاك
ويغير الموضوع
-
وقت الدموع بيبان
من بيحبك عشان
مين خد منك حنان
وإدالك قسوة كتير
وقت الدموع بتشوف
اللي عليك ملهوف
واللي يقولك ظروف
تلاقي مفيش ضمير
-
كله بيعمل حبيبك
لحد ما تدي الامان
ممكن لحظة يسيبك
تلاقي الاصل بان
تتعود تبكي عنيك
من اغلى ناس عليك
والكل يجرح فيك
وتعبش لحزنك اسير
-
وبتفتكر اللي فات
تلاقي العمر عدا
جواك بركان اهات
قصة حزن جامدة
هتغني لمين ومين
بيحس بصوت حزين
م الدنيا و السنين
كل الشهور امشير
وقت الدموع بيبان
من بيحبك عشان
مين خد منك حنان
وإدالك قسوة كتير

شارك هذا الموضوع