الرئيسية / هواتف محمولة /
التاريخ - 



ال OPPO FIND X يا جماعة 
اية الحلاوة و الطعامة دي اقسم بالله 😍😂😂😂
و الحمد لله خلصنا من موضة ال Notch ربنا يقطعها موضة 😂😂
انهاردة ظهر للنور ال oppo find x و الصراحه الموبايل فيه نقلة نوعية في التصميم بسبب الجزء المنزلق اللي فيه عشان الكاميرا تخرج و تدخل عشان يدي كل مساحه الموبايل تقريبا للشاشة 😃
نيجي بقي اهم حاجه و هي امكانيات الموبايل 
الموبايل بيجي بشاشة 6.4 انش من نوع AMOLED بدقة FHD+ بعدد بكسلات 2340×1080
الموبايل بيجي ب معالج Snapdragon 845 مع 6GB رام و 64GB ذاكرة داخلية او 8GBرام و 128GB ذاكرة داخلية مع امكانية زيادة المساحة دي ب micro SD لحد 400GB 😂
نيجي للكاميرا بيجي ب Dual كاميرا في الخلف واحده 20ميجا بكسل و واحده 16 ميجا بكسل اما الامامية كعادة OPPO انها بتتميز بالكاميرا السيلفي ف الموبايل بيجي ب كاميرا 25 ميجا بكسل الكاميرا بتتزحلق بحيث تظهر تصور و تدخل تاني كمان عشان ال face ID
الموبايل بيجي ب بطارية كبيرة نوعا ما 3730 مللي امبير مع VOOC charging كمان الموبايل بيجي بفتحه USB type-C
وزن الموبايل 189 جرام
بيجي ب اندرويد اوريو 8.1 مع واجهه oppo المميزة colorOS 5.1
الموبايل بيجي ب لونين و هما ال Bordeaux red و ال Glacier blue و شايفك ياللي كسلت تقرأ الاسمين 😂😂
طبعا ك Geek و مصري ف نفس ذات الوقت لازم نسأل الاسئلة الوجودية زي مثلا
شكل الجراب بتاعه هيبقي عامل ازاي 🤔🤔
كمان لو الجزء بتاع الكاميرا دا وهو برة كدا و وقع 😂 اية اللي هيحصل 🤔😂
مش عارف في حد غيري فكر ف كدا ولا لا 










شارك هذا الموضوع